Avgustnıñ 23-nde onlayn formatında keçirilecek "Qırım platforması" sammitinde G7 memleketleri liderleriniñ ekseriyeti iştirak etecek. Bunı Qırım.Aqiqatqa Ukrayina TİN yolbaşçısınıñ birindij muavini Emine Ceppar bildirdi.
Onıñ sözlerine köre, Almaniya kantsleri Olaf Şolts, Kanada baş naziri Castin Trüdo, Yaponiya baş naziri Fumio Kisida artıq iştirak eteceklerini tasdıqlağanlar.
Qırım.Aqiqat mühbiriniñ sualine cevap berip, Ukrayina TİN yolbaşçısınıñ birinci muavini qayd etti ki, ''Qırım platforması'' sammitiniñ iştirakçileriniñ cografiyası Ukrayina prezidenti Volodımır Zelenskıynıñ buyuruqlarına uyğun olaraq kenişlene. Bu sene iştirakçiler arasında Latin Amerikası memleketleriniñ temsilcileri de olacaq.
Cepparnıñ sözlerine köre, Ukrayina Tış işler nazirligi er kün çetel devletlerniñ temsilcilerinden sammitte iştirak eteceklerine dair haber ala.
''Qırım platforması'' sammitiniñ neticelerine köre iştirak etken memleketler ortaq beyannameni qabul etecekler.
G7 memleketleri ''Qırım platforması'' sammitinde iştirak eteceklerini şimdilik daa bildirmediler.
Daa evel berilgen malümatqa köre, avgustnıñ 23-nde «Qırım platformasınıñ» ekinci sammiti online formatında ötkerilecek. Qayd etilgenine köre, sammitke bıltır «Qırım platforması» Beyannamesine qoşulğan devlet yolbaşçıları davet etilecek.
Ukrayina prezidenti Volodımır Zelenskıy "Qırım MC ve Aqyarnıñ işğalden azat etilmesi ve reintegratsiyası meseleleri Mesleat şurasınıñ" teşkil etilmesine dair ferman imzaladı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
