Bazar künü, avgust 11-inde musulmanlar, büyük bayramlardan birisini - Qurban bayramnı qutlay. Qırımtatarlar onı Qırımda ve qıta Ukrainada qayd ete.
İlhaq etilgen Qırımda, bayram munasebetinen avgust 12-si, bazarertesi künü qoşma raatlıq künü dep ilân etildi.
Qırımda ve bütün dünyada: musulmanlar Qurban Bayramını nasıl keçire (fotogalereya)
Aqmescit, Keriç, Aqyar ve başqa şeerlerde bayram tedbirleri keçirilecek.
Qurban Bayramı musulmanlarnıñ eñ büyük bayramlarından biri olaraq, Mekkege acılıqnıñ soñuna yetmesini temsil etip, Oraza Bayramından 70 kün keçken soñ İbraim peyğamberniñ qurbanı hatırasına keçirile.
Qurban Bayramı büyük meydanlarda cemaat ile qılınğan saba namazından başlana ve ondan soñ er yerde ayvanlarnı soyıp başlaylar. Bu ananeniñ tamırları, alemlerniñ Rabbisi İbraim peyğamberge oğlu İsmailni qurban etip çalmağa bermeyip ve sonki daqqasında qoynı kesmege buyurıp toqtatqanı aqqında qadimiy bir ikâyege barıp yeteler.
