Salı künü, iyünniñ 4-nde, musulmanlar eki büyük bayramdan birini Oraza bayramını qayd ete. Qırımda bugün raatlıq künü olaraq ilân etildi. Böyle bir buyruqnı Qırımnıñ Rusiye yolbaşçısı Sergey Aksenov imzaladı.
Oraza bayramı mubarek Ramazan ayı bitkenini ifadelemekte.
Oraza bayramı üç kün devam ete ve Qurban bayramınen beraber musulmanlarnıñ eki büyük bayramından biri ola.
Ramazan ayınıñ soñki künü musulmanlar evlerini temizley, yañı urbalar ala, ediyeler azırlay ve bayramğa tatlılar ala.
Oraza bayramı künleri yaqınlar tebriklene, mezarlar ziyaret etile, yardımğa muhtac olğanlarğa para berile. Musulmanlar bayram namazı ögüne fitir parasını bermek kerek.
Daa evel haber etilgeni kibi, Qırımnıñ Seyitler rayonındaki Seyitler Vaqıf (Razlivı) köyüniñ Rusiye akimiyeti iyünniñ 8-nde keçirilmesi planlaştırılğan bayram tedbirlerine izin bermedi. Bayram şeñlikleri akimiyet kontrolindeki Qırım ve Aqyar musulmanları diniy idaresiniñ ricasınen yasaqlandı.
