Onıñ sözlerini advokat Aleksey Ladin bildirdi. Kros, zorbalıq sebepsiz qullanılğanını qayd etti ve iyünniñ 16-nda mabüsler izolâtornı zapt etkenleri içün böyle olğanını tahmin etti. O vaqıt, kütleviy haber vastalarınıñ bildirgenine köre, SİZO-da tintüvler keçirildi, hadimler ve mabüsler sorğuğa çekildi. Ekrem Kroş mahkeme oturışuvınıñ protokolına zorbalıq aqqında bildirdi.
"İleride imaye [bu vaqiağa] qıymet kesip, qabaatlılarnı mesüliyetke çekmek içün bir sıra protsessual tedbirler keçirecek", — dedi Aleksey Ladin.
O, zorbalıq tek Ekrem Krosqa qarşı qullanılğanını ilâve etti. İşniñ diger iştirakçileri yaralanmadı. Olarnıñ episi özlerini "bir derece yahşı" is etkenlerini bildirdiler.
İmaye, aynı qabaatlav qararınen keçken, amma başqa esnasda mahkeme etilgen — tahqiqatnıñ versiyasına köre, Hizb ut-Tahrir bölüginiñ iştirakçileri olğan şaatlarnı da çağırmağa rica etti. Mahkeme advokatlarnıñ şaatlarnıñ ifadeleri "Сanköyniñ ekinci gruppası"nıñ qabaatını ya da qabaatsızlığını belgilemege yardım etecegine dair delillerini qabul etmedi ve sorğudan vazgeçti.
2023 senesi yanvarniñ 24-nde saba Canköy rayonında Rusiye quvetçileri qırımtatarlarnıñ evlerinde tintüvler keçirdi: Ekrem Kroşnıñ, Ayder Asanov ve Refat Seydametov, Osman Abdurazakov, Löman Zekiriyev ve Halil Mambetovnıñ evlerinde.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
