"Qırım musulmanları davası"nıñ mabüsi Arsen Abhairov Rusiye Federal Ceza hazmetiniñ onıñ SİZO_da tutulmasını apis müddeti kibi esaplamaqtan red cevabına itiraz bildirip olamay eken. Bunı "Qırım birdemligi" onıñ advokatı Mariya Terehovağa atfı etip bildire.
İmayeciniñ sözlerine köre, Rusiye akimiyetiniñ bu kibi areketleri qanunsızdır, Abhairov "apishaneni artıq çoqtan terk etmeli ve sert rejim cezahanesine keçmeli" edi.
"Mahkemeniñ qararınen SİZO-da bulunuv müddetini apishane müddetini qoşmaq kerek ediler, amma qararda mahkeme bam-başqa şey yazdı. Qırımtatar oturışnıñ yazılı ve ses protokolını köstermelerini istedi, cevap ise alâ daa yoq. Şunıñ içün mahkeme qararını itiraz ete bilemey", - dep haber ete "Qırım birdemligi".
Mariya Terehovanıñ sözlerine köre, Abhairov yahşı ve kelecek sene azat etilecegine ümüt ete.
Al-azırda Abhairova RF Krasnoyarsk bölgesiniñ Yeniseyka ekinci sanlı cezahanesinde buluna.
2019 senesi fevral ayında Qurman rayonınıñ Büyük Onlar (Oktâbrskoye) qasabasında Rusiye uquq qoruyıcıları tintüv keçirdi. Daa soñra Aqmescitteki FSB idaresine Eskender Abdulganiyev, Arsen Abhairov ve Rustem Emiruseinov alındı. Rusiye Federal telükesizlik hızmeti Qurman rayonınıñ üç sakinini «Hizb ut-Tahrir» teşkilâtında iştirak etkeninden şübheli sayıp yaqalağanını tasdıqladı.
2020 senesi noyabrniñ 3-nde saba Rostov-na-Donu Cenübiy okrugınıñ arbiy mahkemesi Qurmandaki «Hizb ut-Tahrir davasınıñ» üç mabüsi Rustem Emiruseinov, Arsen Abhairov ve Eskender Abdulganiyevni 17, 13 ve 12 yılğa üküm etti. Olar qabaatlarını tanımadı. Mahküm etilgen qırımlılarnıñ advokatları ükümni şikâyet etip, Avropa insan aqları mahkemesine barmağa niyetlene.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
