Link açıqlığı

Saatnıñ esas haberi

"Qırım musulmanları davası"nıñ figurantı Hayredinovnı Vladimirge etap ettiler


Seyran Hayredinov
Seyran Hayredinov

Rusiye tarafından maküm etilgen qırımlı Seyran Hayredinovnı Rusiyeniñ Vladimir şeerine etap ettiler, dep bildirdi onıñ apayı Zarema Hayredinova Facebook saifesinde.

"O, aman-aman eki ay devamında etapta edi. Oña barıp yetkence neler keçkenini tasavur etmek qıyın. Amma bu mektüp menim başqa fikirlerimden ayırdı. Onda, o, yanvarniñ 9-nda Vladimir şeeriniñ T2 binasına kelgenini yazdı. Şimdilik, o, karantinde", — dep qayd ete Zarema.

Dekabr ayında Hayredinovnıñ Rusiyeniñ Perm şeerine kelgeni ve anda Rusiye apishanesine yollanılmadan evel bulunğanı aqqında haber etilgen edi.

2020 senesi iyülniñ 7-nde Rusiye quvetçileri yedi qırımtatarınıñ evini tintti: Emil Ziyadinov, Zekirya Muratov, İsmet İbragimov, Alim Sufyanov, Seyran Hayredinov, Vadim Bektemirov mahkemede apiske alındı ve Aqmescitniñ ceza izolâtorına qapatıldı. I derece köz saqatı olğan Aleksandr Sizikov ev hapsine yollanıldı. Tutulğanlar Rusiyede yasaqlanğan «Hizb ut-Tahrir» diniy teşkilâtınen alâqaları bar olğanında qabaatlandı.

2023 senesi mayıs ayında Sizikov ilk dört yılnı apishanede keçirecek 17 yılğa üküm etildi. 2024 senesi sentâbrniñ 13-nde Rusiye Federatsiyasınıñ istinaf arbiy mahkemesi qırımlınıñ ükmüni deñiştirmedi.

Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG