Siyasiy mabüs, keçken sene mayıs ayından berli ayağındaki varikoz hastalığından qasevetlengenini ikâye etti. O, ameliyatqa muhtac, amma müstemleke şaraitlerinde bu uzun müddetli reabilitatsiyanı talap ete. O vaqıt vatandaş hastahanesinde ameliyat, zemaneviy reabilitatsiya usullarınen beraber, bir afta sürecek.
Arsen Abhairovnıñ aytqanına köre, yañı koloniyada memuriyet ve diger mabüsler ile munasebetleri tarafsız ola. Daa evel Abhairov Yeniseysk şeeriniñ apishanesinde tutuldı.
İyünniñ başında, Abhairov, mahkemeniñ añlatmasında hata olğanı sebebinden, Rusiyeniñ Krasnoyarsk ülkesindeki Yeniseyskniñ 2-nci apishanesinde tayinlengen müddetinden eki buçuq ay ziyade tuttı, dep haber etilgen edi.
Arsen Abhairov ve daa eki qırımtatar Eskender Abdulganiyev ve Rustem Emiruseinov 2019 senesi fevral ayında Qırımnıñ Qurman rayonınıñ Büyük-Onlar qasabasında tutuldı. Rusiye FSB-sı qırımlılar Rusiyede ve işğal etilgen Qırımda yasaq etilgen "Hizb ut-Tahrir" teşkilâtınıñ faaliyetine alâqası bar, dep iddia ete edi.
Noyabrniñ 3-nde Rusiyeniñ Rostov-na-Donu şeerindeki Cenübiy okrugınıñ arbiy mahkemesi Qurman "Hizb ut-Tahrir" davasınıñ üç mabüsini 42 yılğa apiske aldı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
