Link açıqlığı

Saatnıñ esas haberi

"Qırım musulmanları davası" boyunca Rusiyede maküm etilgen qırımlı Siruk cezahanede arap tilinde Quranı tutıp alınğanını bildirdi


Vadim Siruk
Vadim Siruk

Rusiye mahkemesi tarafından 12 yılğa azatlıqtan marum etilgen Yaltadaki "Qırım musulmanları davasınıñ" mabüsi Vadim Siruk bildirdi ki, Başqırtistannıñ SİZO-sında musulman mabüslerinden arap tilinde Qurannı tutıp almağa başladılıq. Bu aqta "Qırım birdemligi" cemaat birleşmesi onıñ ömür arqadaşı Anna Bogaçevağa atıf etip yaza.

Siruknıñ aytqanına köre, Rusiye Federatsiyasınıñ FSİN hadimleri öz areketlerini arap tilinde Qurannıñ "başlıq buyruğı sebebinden yasaq etilgeni ile añlatalar". Bundan evel kitap teşkerilgenine ve bütün müürleri qoyulğanına baqmadan, müstemleke temsilcileri Siruknıñ Quranını da aldılar.

Rusiye Federatsiyasınıñ Ceza-icra kodeksiniñ 95-inci maddesiniñ 2-nci qısmına binaen, mahküm etilgenlerge "cenk, milliy ve diniy duşmanlıq, zorbalıq ya da vahşiylik"ni teşviq etken neşirlerni saqlamaq yasaq etile.

"Qırım birdemliginiñ" advokatı Emil Kurbedinovnıñ bildirgenine köre, Siruknıñ aytqanına köre, cezahanege Qurannı tutıp aluv yolbaşçılıqnıñ, şu cümleden FSİN-niñ eñ yuqarı yolbaşçılığınıñ şahsiy fikrine köre yapıla. O, advokat muracaatını yollap, Qurannı musulmanlardan aluv sebebini añlatmaqnı rica etti.

"Yasaqlanğan kitaplar, mütenasip reyestrde açıqtan-açıq belgilengen ve ekstremist olaraq qayd etilgen. Eger kerçekten de böyle bir kitap kitaphanede olsa, ve o mahkemede yasaq etilgen olsa, onda bu daa mantıqlı olur. Amma musulmanlarnıñ muqaddes kitabına kelgende, o olarğa nasıl keder etti, onıñ aqqında ne tüşüngenlerini tek tahmin etmek mümkün. Men bellesem, resmiy [advokatlarnıñ] muracaatlarına bu kitaplar teşkerilmedi degen bir çeşit resmiy cevap olur. Amma Vadimniñ aytqanına köre, kitapları keçti ve olarda müürler bar. Quran arap tilinde, onıñ tercimesi yasaq etilgen ekstremist edebiyatı cedveline kirmey, ve musulman mabüslerinden koloniyalar, apishaneler, SİZO memuriyetlerinde onı almağa sebepler yoq", — dep ayta Emil Kurbedinov.

Siruknı Rusiye quvetçileri 2016 senesi yaqalağan edi. Onı Rusiyede yasaq etilgen "Hizb ut-Tahrir" islâm siyasiy teşkilâtına alâqası olğanında qabaatladılar.

"Serbest Qırımğa mektüpler" leyhasınıñ maqsadı Kremlniñ ukrayinalı esirleri aqqında hatırlatmaq, em de olarğa qol tutuv sözlerini bildirmektir. Bundan da ğayrı, mektüpler Rusiye apishaneleriniñ memuriyetlerine er bir Ukrayina vatandaşı müim olğanını ve cemiyet olarnıñ apishanede tutuluv şaraitlerini nezaret etkenini köstere.

Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG