"Qırım musulmanları davası" boyunca 17 yıl apis cezasına mahküm etilgen cemaat jurnalisti Timur İbragimovğa kolelitiazis diagnozı qoyulğan. Bunı "Qırım birdemligi" cemaat birleşmesi haber etti.
İbragimovnıñ apayı Dilâranıñ sözlerine köre, uzun müddet aqayınıñ bedeniniñ sağ tarafı ağırğan. Özü de qara ciger olğanını bellegen. Erkek tibbiy teşkerüvni yarım yıl beklegen.
Aynı zamanda Rusiye ekimleri İbragimovğa iç bir tevsiye bermegenler, qan talilini yapmaqtan ise red etken.
"Hstalıqnıñ sebebi olarda sağlam adamlarnıñ aşağan sıcaq yemekniñ olmamasıdır. Bizim alım berip yibergenimizden yalıñız qolbas, maqarne, peksimettir", - dep bildirdi apayı.
"Vitamin degen şeyni Timur tek mevvalardan ala bile. Meyvalarnı ise cazahanedeki tükândan ala. Amma anada da alınacaq çoq şey yoq. Daa çoq para içimli suvğa masraf etile, çünki cezahanedeki suvnı içmek mümkün degil", - dep qoştı o.
2017 senesi oktâbr ayında Rusiye uquq qoruyıcıları altı Bağçasaray sakinini tututı. Timur İbragimov, Marlen Asanov, Memet Belâlov, Seyran Saliyev, Server Zekiryayev i Ernes Ametov. Rusiye FSBsi olarnı Rusiyede ve işğali altındaki Qırımda yasaqlanğan «Hizb ut-Tahrir» teşkilâtında iştirak etkenlerinde qabaatladı.
Rusiyeniñ Rostov-na-Donu şeerindeki Cenübiy okrugınıñ arbiy mahmekesi 2020 senesi sentâbr ayında Bağçasaraydaki ekinci «Hizb ut-Tahrir davası» boyunca üküm çıqardı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
