Rusiye mahkemesi tarafından "Qırım musulmanları davası" boyunca 13 yıl apis cezasına mahküm etilgen Servet Gaziyevniñ 2021 senesi sentâbr ayında Rostov-na-Donudaki 19 nomeralı Vilâyetlerarası verem hastahanesinde urulğan soñ omurğasında ağrı peyda olğan.
Bunıñ aqqında ZMINA uquq qoruyıcı teşkilâtına tatası Svetlana haber etti.
Onıñ sözlerine köre, Servet yüksek arterial basımından ve omurğa ağrısından aytına eken. Omurğa ağrısı 2021 senesi sentâbr ayında Rostov-na-Donudaki 19 nomeralı Vilâyetlerarası verem hastahanesinde urulğan soñ peyda olğan.
Bundan ğayrı, haber etilgeni kibi, tatası bütün kerek olğan ilâclarnı yollağanına baqmadan, Gaziyevge olarnı bermey ekenlen.
2019 senesi martnıñ 27-nde FSB, Rusiye İç işler nazirligi ve Rusiye gvardiyasınıñ hadimleri martnıñ 27-nde Qırımda qırımtatarlarnıñ, şu cümleden «Qırım birdemligi» faalleriniñ evlerinde tintüvler keçirdi. Umumen Rusiyede ve işğal etilgen Qırımda yasaqlanğan «Hizb ut-Tahrir» teşkilâtında iştirak etkeninde qabaatlanğan 24 faal tutulğan edi.
2023 сенеси январьнинъ 11-нде Servet Gaziyevни 13 yıl apis cezasına mahküm etti ве 1 yıl 6 ay müddetine areket azatlığınıñ sıñırlanması tayin etildi.
«Memorial» aq qorçalayıcı merkezi 2019 senesi martnıñ 27-nde Qırımda Rusiye quvetçileri tarafından tutulğan 24 qırımtatar faalini siyasiy mabüs dep tanıdı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
