Rusiye mahkemesi tarafından "Qırım musulmanları davası" boyunca apis cezasına mahküm etilgen qırımtatar Seyran Saliyevniñ evine yaqın cezahanege köçürilmesine izin bermegenler. Bunı apayı Mümine haber etti.
Al-azırda o Rusiyeniñ Tulsk vilâyetindedir. Uzaq olğanı içün qorantısınen körüşmek aman-aman imkânsızdır. Bunıñ aqqında Prezidentniñ Qırım MC Daimiy Temsilciliginiñ bildirmesinde yazıla.
"Faal Qırımğa daa yaqın cezahanege avuştıruv talabınen RF Federal ceza hızmetine defalarca muracaat etti. Yazılı bir red olaraq olar RF CQ 205.5 maddesine atıfta bulundılar: oña köre, mahküm etilgenler belli bir ceza çekme müessiselerine yollanıla", - dep yazıla bildirmede.
Saliyevniñ qanunsız sürette tutulğanı baraqta tahminen 100 kişi buluna, dep qoştılar Temsilcilikte.
2017 senesi oktâbr ayında Rusiye uquq qoruyıcıları altı Bağçasaray sakinini tututı. Timur İbragimov, Marlen Asanov, Memet Belâlov, Seyran Saliyev, Server Zekiryayev i Ernes Ametov. Rusiye FSBsi olarnı Rusiyede ve işğali altındaki Qırımda yasaqlanğan «Hizb ut-Tahrir» teşkilâtında iştirak etkenlerinde qabaatladı.
Rusiyeniñ Rostov-na-Donu şeerindeki Cenübiy okrugınıñ arbiy mahmekesi 2020 senesi sentâbr ayında Bağçasaraydaki ekinci «Hizb ut-Tahrir davası» boyunca üküm çıqardı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
