"Qırım musulmanları davası" boyunca mahküm etilgen Teymur Abdullayev hastalıqtan soñ bir qulağına sağırlaşıp qaldı. Bundan ğayrı, o, gipertonik hastasıdır ve bundan sebep onıñ körme qabileyeti fenalaştı, dep bildire QIRIM.News qırımlınıñ qadını Alima Abdullayevağa etıf etip.
Onıñ aytqanına köre, Abdullayev küzde eki kere hastalanğan edi.
"Hastalıqtan soñ otit oldı ve qulağından qan aqtı. Bir qulağı eşitmey bile. Qomşusı eşitüv cihazını paylaşqanına qadar çoq vaqıt devamında eşitmey edi", — dep tarif etti qadın.
Rostov-na-Donunıñ Cenübiy okrugınıñ arbiy mahkemesi bu davanıñ mabüslerine 2019 senesi iyün ayında üküm çıqardı. Daa soñra Rusiye Yuqarı mahkemesi qırımlılarnıñ ükmüni deñiştirdi.
Uzeir Abdullayev 12 yıl ve 6 ay, Rustem İsmailov 13 yıl ve 6 ay, Emil Cemadenov11 yıl ve 6 ay, Ayder Saledinov 11 yıl ve 6 ay apis cezasını aldı. Teymur Abdullayevniñ ükmü ğayrıdan baqılğan soñ, onı 16 yıl ve 6 ayğa üküm ettiler, onıñ içün 1 yıl ve 4 ay müddetinen memuriy nezaret belgilendi.
Ukraina Tış işler nazirligi bu davağa qarşı narazılıq bildirip, Rusiyege qarşı sanktsiyalarnı quvetleştirmege çağırğan edi.
«Memorial» aq qorçalayıcı merkezi bu davanıñ bütün mabüslerini siyasiy mabüs dep tanıdı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
