Qırım Muhtar Cumhuriyetiniñ prokuraturası Rusiye apishanelerinden azat etilgen qırımlılar Oleg Sentsov ve Aleksandr Kolçenkonı şaatlıq etmeleri içün davet etmege planlaştıra.
Bunı QMC prokuraturasınıñ matbuat kâtibi Katerina Didenko «Ğromadske radioğa» bildirdi.
Onıñ aytqanına köre, şaatlıq «2014 senesi baarde işğal etilgen Qırımda hırsızlanmalarınen» bağlı olacaq.
Bu tedbirler ekimler baqqan soñ yapılacaq. Didenkonıñ qayd etkenine köre, hırsızlav davasında Sentsov ve Kölçenkoğa zarar körgenlerniñ statusı berilmeli.
Sentâbrniñ 7-nde Ukraina ve Rusiye arasında tutulğanlarnı deñişim kerçekleştirildi. 35 ukrainalı ile uçaq «Borıspil» Kyiv ava limanında qondı.
Kyivge qaytqan Oleg Sentsov çoq laf etmeyip, «ukrainalılarnıñ küreşi bitmedi», dep qayd etti. Şimdilik o, jurnalistlernen subetleşmege istemey, amma Facebookta yazmağa vade etti.
Oleksandr Kolçenko Ukrainağa qaytıp, aliy oquv yurtunda oquşını devam etmege ve iş tapmağa planlaştıra, dep ayttı.
