Qırım Muhtar Cumhuriyetiniñ prokuraturası Rusiye işğal etken Qırımğa qanunsız şekilde barğan 200-den ziyade çetel vatandaşına qarşı cinaiy işni tahqiq etmekte. Bu aqta UNN ukrain agentligi prokuraturanıñ matbuat hızmeti bergen malümatqa esaslanıp bildire.
Bu malümatqa köre, al-azırda çetel vatandaşlarınıñ Qırımğa kiriş, çıqış qaideleriniñ bozuluvı boyunca 30 cinaiy tahqiqat qayd etildi. 30 iş 5 cinaiy tahqiqatqa birleştirildi.
QMC qayd etkenine köre, 200-den ziyade çetel vatandaşınıñ soyadları aydınlatılmay.
Ukraina Tış işler nazirligi çetel vatandaşları ve vatandaşlıqsız şahıslarnı işğal etilgen Qırımnı qanunsız şekilde ziyaret etmekten vazgeçmege çağırğan muracaatnı aydınlatqan edi.
2014 senesiniñ başında Qırım Rusiye tarafından ilhaq etilgen soñ Ukrainanıñ qıtadaki qısmı ile yarımada arasında şeklen memuriy, lâkin kerçekte aqiqiy olğan sıñır keçti. Herson vilâyetinde Qırım ile memuriy sıñırda üç kiriş/çıqış kontrol noqtası çalışa – «Kalançak», «Çonğar» ve «Çaplınka».
