Qırım «memurlarına» Rusiye mukâfatlarını bermege devam eteler

Qırımnıñ öz başına tayin etilgen baş naziri Sergey Aksönov «Qırımnıñ qaytarıluvı içün» nişanı ile öz muavini, Sergey Doniçni taqdirledi.

Qırım «akimiyeti»niñ matbuat hızmetiniñ bergen malümatına köre, Rusiye mudaafa naziriniñ emri ile Doniç «Qırım Cumhuriyeti grajdanlarınıñ aqqları qoruvında köstergen faaliyeti, Qırım Cumhuriyetinde referendumnıñ keçirilmesi içün Doniç Sergey Georgiyeviç «Qırımnıñ qaytarıluvı içün» nişanı ile taqdirlene».

Evelleri Rusiye prezidenti Vladimir Putinden «Vatan ögünde yararlıqlar içün nişan»ını Qırım parlamentiniñ «spikeri» Vladimir Konstantinov elde etti. Aynı böyle mukâfatlar Qırımnıñ öz başına tayinlengen baş naziri Sergey Aksönov ve Aqyar şeerniniñ strategik inkişafı Agentliginiñ yolbaşçısı Aleksey Çalıyğa berildi.