Link açıqlığı

Saatnıñ esas haberi

Qırım mektepleriniñ çoqusı qaravullanmay - akimiyet


İlhaq etilgen Qırımnıñ mektepleriniñ çoqusında şimdilik ihtisaslı qaravul qoruması yoq, dep bildirdi TASS agentligine rusiyeli Tasil Nazirliginiñ başı Natalya Gonçarova.

Böyle etip o, Keriç faciasınıñ yıldönüminde Qırım tasil müessiselerniñ telükesizlik alını tefsir etti.

"Qaravullıq vaziyeti aqqında aytqanda, şimdilik o problemadır, çünki Qırım mektepleriniñ tek 1%-ı Rosgvardiya hızmetlerini qullana, 10%-dan çoq mektepniñ şahsiy qoruv şirketlerinen añlaşmaları bar", - dedi Gonçarova.

Gonçarova, telükesizlik teminatına çoq aqça kerek, dep qoştı.

"Misal içün, tek Yaltada Rosgvardiyanıñ mektep hızmetleri yılda 60 million rublege çıqa. Rosgvardiya yekâne qaravul şirketi olsun dep ve buña büdjetten para ayırılsın dep, prezidentke muracaat ettik", - tarif etti o.

Onıñ aytqanına köre, bu mesele boyunca daa bir qarar yoq. O, Qırım akimiyeti, mektep ve bala bağçaları qoralamaq içün programma azırlağanını aytıp berdi. Programma boyunca qorasız müessiselerde qora qoyulacaq, bozulğan soyları ise tamir etilecek. Para kölemini 2,5 milliard ruble qadar saydılar.

Cumaaqşamı künü, oktâbr 17-sinde Keriç politehnika kolleciniñ faciasınıñ yıldönüminde Keriçte matem künü ilân eildi.

Oktâbrniñ 17-nde, Keriç politehnik köllecinde patlav ve atışuv oldı. Rusiye Tahqiqat komitetiniñ malümatına köre, Keriç politehnik kollecinde olğan patlavnı 4-ünci kurs studenti, 18 yaşında Vladislav Roslâkov kerçekleştirdi. O, «özüni öldürdi». Facia neticesinde 21 insan elâk oldı. Qırımda üç künlik matem ilân etilgen edi.

Qırım Muhtar Cumhuriyetiniñ prokuraturası Keriç politehnik köllecinde olğan patlavnı terror ücümi olaraq tasnif ete.

XS
SM
MD
LG