Kreml nezaretindek Qırım Yuqarı mahkemesi, sabıq Kefe meri Dmitriy Şçepetkovğa berilgen cezanı amelde qaldırdı. O iş vazifeleriniñ şahsiy maqsatları içün qullanğanı ve büyük kölemde hapar alğanında qabaatlandı. Bu aqta Qırım matbuatı bildire.
“Primeçaniye” matbuatı bildirgenine köre, apellâtsiya baqıluvı 15 oturış devamında keçe edi.
“Gorod 24” Qırım matbuatı, Şçepetkovnıñ advokatı Sergey Fominniñ sözlerinden, imaye ükümge kassatsion şikâyet azırlağanını bildirdi.
2018 senesi mart ayında Şçepetkovnı 8 yıllıq apis cezasına ve 42 million rublelik paza cezasına mahküm ettiler vebazı iş vazifeleriniñ bulunmasını 3 yıllıq müddetke yasaqladılar.
2015 senesi dekabr ayında FSB hadimleri, Kefe memuriyetiniñ başı Dmitriy Şçepetkov ve onıñ muavini Makar Makarovnı haparcılıq içün yaqaladı.
