Link açıqlığı

Saatnıñ esas haberi

Qırım mahkemesi qırımtatar blogeri Memedeminovnı tevqif astında qaldırdı


Nariman Memedeminov
Nariman Memedeminov

Rusiye nezaretindeki Qırım Yuqarı mahkemesi, Qırım cemaat jurnalisti, bloger Nariman Memedeminovnıñ tevfiq appelâtsiyasını lâğu etti.

Bu aqta Memedeminovnıñ advokatı Edem Semedlâyev, Qırım.Aqiqatqa tefsirinde bildirdi.

Mahkeme, üç ay evel berilgen, faalniñ tevfiqini 2 ayğa uzatmaq Rusiye nezareti altındaki Aqmescitniñ Kiyev rayon mahkemesiniñ qararına apelâtsiyanı baqqanını bildirdi.

Aynı zamanda terrorcılıqta qabaatlanğan Memedemonovnıñ tevfiqi kene uzatıldı - 2019 senesiniñ fevral 18-inece.

“Bu dava baqıluvnı keçirmeseler de olacaq edi, çünki tevfiqiniñ uzatıluv müddeti endi keçti. Böylece, Yuqarı mahkeme Kiyev rayon mahkemesiniñ qararını lâğu etse edi, ondan soñ çıqarılğan qararlar qanunsız sayılacaq edi. Elbette, mahkeme apellâtsiyamıznı red etti”, - añlattı Semedlâyev.

Bundan ğayrı, advokat, imayege apellâtsiya bermege sadece 3 kün devamında ruhset etile, lâkin baqıluv üç aydan çoq keçirilmegenine diqqat ayırdı. Semedlâyev sıñırlav tedbirlerni ev tevfiqine deñiştirmege muracaat eti, lâkin qabaatlav tarafı qarşı çıqtı.

Oturışnı açıq sürette keçirdiler, amma mahkeme hızmetçileri iç kimseni bina içine yibermedi. Mahkemeci Memedemonovnıñ diñleyicilerni kirsetmek muracaatını red etken soñ, faal onı deñiştirdi. Mahkemecini deñiştirmek qararını almaq içün yapılğan teneffüs vaqtında, diñleyiciler mahkeme zalına kirip ve oturışta bunıp oldı.

“Özüni bir coruq duya, biraz sağlıq meseleleri bar. Elbette ki, adam ne qadar yaş ve sağlam olsa da, SİZOda devamlı bulunuv öz tesirini qaldıra”, - dep ikâye etti Semedlâyev Memedeminovnıñ sağlıq alı aqqında.

Martnıñ 22-nde Bağçasaray rayonında Rusiye telükesizlik hadimleri ve uquqqoruyıcıları Nariman Memedeminovnıñ evini tinttiler. Ondan soñ faaliyetçi Aqmescitteki Rusiye FSBsi idaresine alıp ketildi. Martnıñ 23-nde mahkeme Memedeminovnı tevqif etti.

Memedeminovnı Rusiye CK-nıñ 205 maddesiniñ 2-nci qısmına ait olğan cinayette (İnternet vastasınen terrosistik areketlerge açıq çağıruvlar) qabaatlaylar.

Martnıñ 23-nde QMC prokuraturası, Ukraina Cinaiy kodeksiniñ 146-ncı maddesiniñ 2-nci qısmı (insannı qanunsız olaraq azatlıqtan marum etüv ya da alıp qaçuv) ve 162-nci maddesiniñ 2-nci qısmında (mesken toqunılmazlığınıñ bozuluvı) qayd etilgen cinaiy qanun bozuluvlarınıñ alâmetleri boyunca malümatnı Mahkemeden eveldki tahqiqatlarnıñ umumiy cedveline kirsetti.

Ukraina Milliy jurnalistler birligi (UMJB) Qırımda Memedeminovnıñ tevqif etilmesine «fikir serbestligi ve, cümleden İnternet ağı vastasınen, informatsiyanı serbest almaq ve darqatmaq aqqınıñ bozuluvı» dedi.

XS
SM
MD
LG