Qırımdaki Rusiye mahkemesi qırımtatar Artur Memetşayevni 6,5 yıl apis cezasına mahküm etti. Evel "Qırımtatar resurs merkezi" onıñ Geniçeskte tutıp esir etilgeni aqqında haber etken edi.
"Krıminform" Rusiye devlet agentligi Rusiye tahqiqatına atfı etip Memetşayevni Rusiyede "terroristik teşkilât" kibi tanılğan "Noman Çelebicihan batalyonınıñ askeri" adlandıra.
Rusiye tahqiqatınıñ versiyasına köre, Artur Memetşayev "2016 senesi Noman Çelebicihan batalyonına qoşulğan, sıñır bölgesinde naqliyatnıñ yoqlanması vazifelerini eda etken". Bundan ğayrı rusiye quvetçileri bildire ki, mahküm etilgen dersiñ "Qırımdan qaçmağa tırışqan ve o zaman FSB hadimleri tarafından yaqalanğan".
Evel "Qırımtatar resurs merkezi" aprelniñ 11-nde rusiye quvetçileri işğal etilgen Geniçeskte qırımtatar Artur Memetşayevniñ evinde tintüv keçirgenlerini bildirgen edi. Bundan soñ, faallerniñ malümatına köre, erkekni bellisiz tarafqa alıp ketkenler.
Memetşayevniñ çıqarılğan ükümge dair açıq izaatları yoq.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
