Qırımnıñ Curçı (Pervomayskoye) rayonınıñ Kreml nezaretindeki mahkemesi, ölümnen bitken yol areketi qaideleriniñ bozulmasında qabaatlanğan Rusiye İİN-niñ Curçı rayonı boyunca bölüginiñ başını eki ayğa tevfiq etti.
Bunı Tahqiqat komitetiniñ matbuat hızmetine atıf etip TASS agentligi haber ete.
Mahkeme şübheligi 2020 senesi martnıñ 5-ine qadar ev tevqifini üküm etti.
İlk alınğan malümatqa köre, yanvarniñ 4-ünde sarğoş 26 yaşındaki politsiya hadimi Curçı qasabasında üç adamnı bastı - 1986 ve 1987 senesi doğma aqaylarnı ve 1990 senesi doğma qadınnı. Neticede 33 yaşındaki aqaynı hastahanege alıp kettiler, amma anda yaralarından keçindi. Qalğan eki adam da yaralılar.
Apis etilgen polis hadiminiñ açıq tefsiri yoq.
