Qırım uquq qoruyıcı gruppasınıñ eksperti Aleksandr Sedov, işğalniñ başlamasından berli «iftira» maddesi ile Qırım mahkemelerine yüzden çoq iş kelgenini bildirdi.
Bunı o avgustnıñ 11-nde Qırım.Aqiqat Radiosınıñ yaynında bildirdi.
«Mahkemelerge ne qadar dava yollanılğanı aqqında malümatnı teşkerdik – bu 100-den çoq iftira aqqında dava. Amma asılında, tahminen 20 dava boyunca üküm çıqarıldı ve bu 20 ükümden episi, desek olacaq aqlayıdıj üküm. Eki dava boyunca para cezası edi - 10-15 biñ ruble», – dedi o.
Onıñ añlatqanına köre, çoqusı allarda Qırımda böyle davalar Rusiye akimiyetiniñ tenqit etilmesi ile bağlıdır.
«Eger tenqitke ükümet ya da prezident oğratılsa, o zaman insañ aqları ceetinden saçmalıq olaraq sayılğan «prezidentke qarşı aqaret» ya da «ükümetniñ içtimaiy gruppasına qarşı duşmanlıq doğuruv» kibi yañı maddeler qullanıla. Akimiyet temsilcisi ise tenqitke oğratılsa «iftira» aqqında bir pek oñaytlı madde qullanıla», – dep qayd etti Sedov.
