Kyivniñ Svâtoşınskıy rayon makemesi, Qırım MC-niñ Apellâtsiya mahkemesiniñ sabıq mahkemecisini devlet hainliginde qabaatlap, ğıyabiy şekilde mülkünden musadere etip, 12 yılğa maküm etti.
Bunı sentâbr 25-inde Ukraina Baş prokuraturasınıñ matbuat hızmeti bildirdi.
Qırım ilhaqından soñ, makemeci, rusiyeli Qırım Cumhuriyeti Yuqarı makemesiniñ makemecisi, dep tayinlengen edi. Böyleliknen o, yarımadada işgalcilerniñ temsilcisi oldı.
“Tahqiqattan evel teşkerüv vaqtında, belgilengen mahkemeniñ mahkemecisi olıp, Ukraina vatandaşı 2014 senesi mart ayından 2015 senesine qadar Rsuiye Federatsiyasınıñ akimiyeti pekitilmesine yardımcı olğanı tayinlengen edi. Boyle areketlernen Rusiye Federatsiyası mahsus Ukrainağa qarşı faaliyet keçire ve onıñ devlet mustaqilligi zayıflatmağa istey”, – dep, aytıla beyanatta.
Mahkemeciniñ adı ve soyadı prokuratura beyanatında belgilenmey.
