Leyha "Qırım lektoriyi" adını aldı ve Ukrayina medeniyet fondu tarafından desteklengen "Bilgi ve medeniyet — halqnıñ hazinesi" leyhası çerçivesinde keçirilecek.
Bu lektoriyniñ maqsadı şulardan ibarettir:
- sovet (şimdi ise rusiye) propagandası tarafından şekillengen ve tarqatılğan qırımtatar halqı ve onıñ tarihı aqqında stereotip ve tarihiy miflerniñ dekonstruktsiyası;
- qırımtatar halqı ukrayin siyasiy milletiniñ ayırılmaz bir parçası, onıñ medeniyeti ise zemaneviy Ukrayinanıñ medeniy alanınıñ organik elementi olğanına dair tasavurlarnıñ şekillendirilmesi.
"Qırımtatar mevzuları boyunca tedqiqatları ve ilmiy meraqları olğan ocalar qırımtatar halqınıñ tarihı, medeniy mirasnıñ yaratıluvı, Rusiye müstemlekecilik siyaseti neticesinde onıñ yoq etilüvi, Ukrayinada cenk vaziyetinde onıñ aktualizatsiyası aqqında tolu ve çeşit taraflama aydınlatacaq bir sıra video lektsiyalarnı azırlaycaq ve taqdim etecekler", — dep bildire teşkilâtçılar.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
