Kyivde Ukraina radiosınıñ Ses qaydı evinde dekabrniñ 13-nde «Qırım inciri» ekinci edebiyat yarışınıñ ğalipleri aynı adı olğan ukrain-qırımtatar edebiyat festivali çerçivesinde belli oldı.
«Söz serbestligi» mahsus nominatsiyasınen apishaneden mektüp yollağan eki siyasiy mabüs, «Hizb ut-Tahrir davasınıñ» mabüsleri Osman Arifmemetov ve Server Mustafayev qayd etildi.
Ğaliplerni «Ukrayınska pravda» haber resursınıñ baş muarriri Sevgil Musayeva, ukrainalı muzıka prodüseri İğor Kondratük, Ukraina sağlıq naziri vazifeleriniñ sabıq eda eticisi Ulâna Suprun, siyasetçi, Rusiye apishanesinden azat etilgen qırımlı ukrain rejissöri Oleg Sentsov ve digerleri mukâfatladı.
Festival ğalipleri aqqında tafsilâtlıca Qırım.Aqiqat saytında oqumañız mümkün.
Facebook Forum