Kyivde dekabrniñ 1-2-nde «Qırım inciri» ilk ukrain-qırımtatar edebiyat yarışı keçirilecek. Teşkilâtçılarınıñ bildirgenine köre, yarış «Qırım evi» cemaat teşkilâtınıñ binasında ötkerilecek.
«Festival programmasında kitaplar taqdim etilecek, qırımtatar ve ukrain edebiyatı aleminde olğan aktual mevzularda munaqaşalar olacaq, yarışçılarnıñ eñ eyi eserleri oqulacaq, belli edebiyatşınaslarnıñ çıqışları ve kitar yarmalığı, edebiy-muzıkal performanslar olacaq ve, elbette, yarış ğalipleri taqdirlenecek», – dep aytıla tedbirniñ Facebook saifesinde.
İlânda qayd etile ki, «Qırım inciri» yarışınıñ maqsadı qırımtatar tili ve edebiyatını inkişaf ettirmek, ukrain edebiyatında Qırım ve qırımtatarlar mevzusını aktual yapmaq, eki medeniyetni daa teren ögrenmek içün yañı tercimelerniñ peyda olmasını yol açmaqtan ibarettir.
«Qırım inciri» yarışına işler oktâbrniñ 31-ne qadar qabul etile edi. Jüri 135 müellifniñ 244 işini aldı.
Edebiy yarışnıñ jüri erkânına «Qırım eviniñ» program müdiri Alim Aliyev, yazıcı Yekaterika Kalitko, kino stsenaristi Andrey Kurkov, Ukraina yazıcılar birliginiñ azası Şevket Yunusov ve digerleri kirdi.
