Maruzada qayd etilgenine köre, 2014 senesi saban ayından 2024 senesine qadar Qırımda 104 insan hırsızlandı. Çoqusı hırsızlanğan adamlar azat etildi, biri apiste qaldı, eki adam ölü tapıldı. 11 insannıñ taqdiri belli degil.
Qırım 100 biñ ealige siyasiy sebeplerden açılğan davalar ve tutulğanlarnıñ sayısına köre de liderdir. 2014 senesinden başlap yarımadada 349 siyasiy sebepli cinaiy dava mabüsi bar. Maruzada qayd etilgenine köre, bu parametr boyunca region tek Moskvadan artta qala.
2022 senesinden başlap, regionda 56 yañı cinaiy dava açıldı — bu ilhaqnıñ er bir yılından çoq.
OVD-İnfo qayd etkenine köre, cinaiy taqipke oğratılğan yarımada sakinleriniñ çoqusı qırımtatarıdır. 2014 senesinden berli 127 insan "Hizb ut-Tahrir" teşkilâtına alâqası bar olğanında qabaatlanıp taqip etile. Aq qorçalayıcılar bu davalarnı siyasiy sebepli dep saya. 2022 senesi yarımadada Rusiye ordusına çağıruv aqqında celpnameniñ 90% qırımtatarlarğa berildi.
2022 senesinden başlap, regionda 56 yañı cinaiy dava açıldı - bu ilhaqnıñ er bir yılından çoq.
Aq qorçalayıcılar cinaiy ve memuriy davalardan ğayrı basqı usullarını, şu cümleden işkencelerni qullanalar.
Qırımtatar resurs merkezi öz soñki esabatında qayd etti ki, Qırım işğaliniñ yılları devamında aq qorçalayıcılar 61 insannıñ ölümini qayd etti, 29-ı qırımtatar halqınıñ vekilleri. Umumen, 2017-2024 seneleri işğal etilgen Qırımda 10 018 insan aqlarınıñ bozuluvı qayd etildi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
