Qırım ilhaqınıñ 10 yılı devamında, uquq qoruyıcılarnıñ fikrince, siyasiy sebeplerden 320 mahküm qayd etildi. Olardan 217 mahkeme qararı qırımtatarlarğa nisbeten qabul etildi. Bunı Qırımtatar Resurs Merkezi bildire.
18 qırımlı apis müddetini endi keçirdi. Hususan, bular şulardır:
- Aleksandr Kostenko – 2018 senesi avgust ayında (3,5 yıl apis cezası)
- Steşenko Aleksandr – 2019 senesi avgust ayında (2 yıl apis cezası)
- Rustem Vaitov – 2020 senesi yanvar ayında (5 yıl apis cezası)
- Nuri Primov – 2020 senesi yanvar ayında (5 yıl apis cezası)
- Aleksey Stoğniy – 2020 senesi fevral ayında (3,5 yıl apis cezası)
- Ferat Sayfullayev – 2020 senesi mart ayında (9 yıl apis cezası)
- Nariman Memedeminov – 2020 senesi sentâbr ayında (2,5 yıl apis cezası)
- Andrey Zahtey – 2023 senesi fevral ayında (6,5 yıl apis cezası)
- Nikolay Şiptur – 2023 senesi mart ayında (9 yıl apis cezası)
- Arsen Cepparov – 2023 senesi aprel ayında (7 yıl apis cezası)
- Edem Kadırov – 2023 senesi mayıs ayında (4 yıl apis cezası)
- Aydin Mamutov – 2023 senesi mayıs ayında (4 yıl apis cezası)
- Yevgeniy Karakaşev – 2024 senesi fevral ayında (6 yıl apis cezası)
- Refat Alimov – 2024 senesi aprel ayında (8 yıl apis cezası).
Bu qırımlılarnıñ çoqusı alâ daa sınav müddeti ya da memuriy nezaret altında buluna, dep qayd ete uquq qoruyıcılar.
"Bu sıñırlavlar siyasiy mabüslerniñ qanunsız ceza müddetinden soñra vatandaşlıq ayatını mümkün olğanı qadar zorlaştırmaq içün yapıldı. Meselâ, bu sıñırlavlar altında bulunğan insanlarnıñ tam vaqtında çalışmaq, tibbiy yardım ya da içtimaiy yardım almaq imkânları yoq. Qayd etmek kerek ki, Rusiye Federatsiyası Qırımda Ukrayina tarafdarı olğanlarğa nisbeten cezalar bermek içün repressiya maşinasınıñ bütün aletlerini qullana, dep aytıla haberde.
Bundan evel Qırımtatar Resurs Merkezinde bildirilgenine köre, 2024 senesiniñ birinci kvartalında uquq qoruyıcılar işğal etilgen Qırımda siyasiy sebeplerden mahküm etilgenlerniñ sekiz adisesini qayd etti, olardan 4-ü qırımtatarlarğa nisbeten.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
