Qırım ilhaqınıñ başından 334 siyasiy mabüs ve cinaiy davalar boyunca taqip etilgen şahıs qayd etildi, olardan 217 qırımtatardır. Bunı Qırımtatar resurs merkezi bildire.
Teşkilâtta qayd etkenlerine köre, 206 siyasiy mabüs apishanelerde tutula, olardan 132 — tamır qırımtatar halqınıñ vekilleri.
QRM malümatına köre, şimdilik belli olğanlar:
- 154 mahküm koloniyada cezasını çekmekte, olardan 97 qırımtatardır;
- 40 insannıñ sıñırlav ya da sınav müddeti bar, olardan 24 - qırımtatar;
- 55 azat etilgen siyasiy mabüs, olardan 34 qırımtatar;
- 33 insan taqip etile, olardan 27 - qırımtatarı;
- 52 siyasiy mabüs SİZO-da buluna, olardan 35 qırımtatar.
Bundan evel ZMINA insan aqları merkeziniñ idare yolbaşçısı Tatyana Peçonçik, Qırımda Rusiye akimiyeti tarafından devlet hainligi (Rusiye Ceza kodeksiniñ 275-inci maddesi) ve çetel devleti ile işbirlik (Rusiye Ceza kodeksiniñ 275.1 maddesi) maddelerine istinaden qabaatlavlar arttı, dep tarif etti.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
