Link açıqlığı

Qırım iş adamları bergi tölemek içün gece-kündüz nevbette bekleyler


Qırım iş adamları Qırım bücetine bergilerni ödemek içün bank ögüne uzun quyruqlar tizip ep beklemekteler.

Bunı «Jurnalistler taqiqatı merkezi» bildire.

Neşirniñ malümatına kоre, bugünki künde Qırımda tek eki bank böyle ödevlernen çalışmaqta.

Bergi ve başqa bücetke berilecek ödevler Aqmescit ve diger şeer, rayon sakinleri tek Aqmescitte Bölşevitskaya soqaqında 26 menzili boyuncv yerleşken PAO !Qaradeñiz inkişav ve rekonstruktsiya bankı»nda (ÇBRR) ödevlerni bermek mümkün.

«Birinci kün men 12 saat turdım – ödep olamadım. Ekinci kün saba saat 7den başlap turdım ödep olamadım. Uçunci kün aqayımnen gece saat üçte keldik, 13 saat turduqtan soñ töledik. Ekinci kere men mında eki kün turdım, ekinci kününiñ aqşamında men tek ödevni berip oldım. Bu işni tertipke ketirip olamaymız. Biz bu paralarnı özümiz qazanamız, işçilerni tutıp olarğa maaş beremiz, bergilerni vaqıtına ödeymiz, ve öyle olıp çıqa ki, bunı bizge adam aqılıce yapmağa bermeyler», - dep qayd etti yerli iş adamı Tatyana Rakşa.

Tünevin Qırımda «Privat bank»nıñ emanetçilerine para qaytarılması içün vesiqalarnı qabul etmege başladılar. Bu bankqa Qırımda resmiy çalışmağa yasaq etildi. Kündüz banknıñ esas binası yanında biñlerce adam toplandı.
XS
SM
MD
LG