Martnıñ 23-ünde “Taygan” arslanlar parkında keçken, Rusiye tarafdarları olğan cemaatçılarnıñ konferentsiyasında, Qırım iş adamı Oleg Zubkov, öşeklerge rağmen, Qırımdan ketmeycegini ayttı.
Bu hususta Qırım.Aqiqat mühbiri bildirdi.
“Qırımnıñ rusiyeli beş yılından soñ men, kerçekten, beş leyhamnıñ qurulışına niyetlenilgen aqçanı Portugaliyağa çıqarmağa mecbur edim. Anda ise menim biznesim bar, anda er şey açıq ve añlayışlı, qabarcılıq yoq. Men inkişaf etmege begenem, amma Qırımda maña bunı yapmağa bermeyler. Amma “Taygan” ve “Polâna skazok” parklarımnı qaldırıp olamayım, olar mında qalacaq. Ve mesele Aksönov ile munasebetlerimde degil. Bu - Rusiyeniñ adaletsiz sistemesıdır. Amma meni ozğarmañız, ketmege niyetim yoq”, - dedi Zubkov.
Halqara teşkilâtlar Qırımnıñ işğali ve ilhaqını qanunsız tanıp, Rusiyeniñ areketlerini takbih ettiler. Ğarp devletleri bir sıra iqtisadiy sanktsiyalarnı qullandı. Rusiye, yarımadanı işğal etkenini inkâr etip, buña «tarihiy adaletniñ tiklenmesi», dey. Ukrainanıñ Yuqarı Radası 2014 senesi fevralniñ 20-ni, Rusiye tarafından Qırım ve Aqyarnıñ muvaqqat işğali başlağan künü olaraq resmen ilân etti.
