Link açıqlığı

«Qırım içki işler Nazirligi»nde öldürilgen ukrain zabiti huligan olğanını beyan eteler


İçki işler yerli organlarınıñ vekilleri ve garnizon patruliniñ arbiy hızmetçileri bu gece huliganlar tarafından Qırım ğarbındaki arbiy qısımlarınıñ KPP ve garnizon yataqhanesiniñ ücümini qaytardılar. Ziddiyet neticesinde ücümcilerden biri yaralanıp, elâk oldı.

Bunı Qırım iski işler Nazirligi temsilcisiniñ aytqanına köre, öz başına tayinlengen Qırım akimiyetiniñ ruporı olğan «Krıminform» saytı bildire.

«Mezkür şahıslar yaramaz areketlerni etip, taş ata ve arbiy qısımnıñ KPP binasınıñ camlarını qıra ediler. belgisiz şahıslarnıñ areketlerini toqtatmaq içün o yerge içki işler yerli organlarınıñ hadimleri yollanıldı», – dep qayd etti Qırım uquq qorucılarınıñ temsilcisi. İçki işler nazirligi hadimleri ve garnizon patruliniñ kelgeninden soñ yaramazlar körünmey qalğanlarını da aytıp keçti.

Mında şunı da qayd ettiler ki, İçki işler nazirligi hadimleri ve arbiy patruli bina kirişine kelgen vaqıtta, olarğa 5 insan atıldı ve olarda olğan silânı tutıp almağa tırıştı. «Qırım militsiya» aytqanı kibi, ücümciler sarhoş alda ediler.

«Mucadele neticesinde olardan birisi tutıldı, başqası yaralanıp, elâk oldı. Daa üçü qaçıp oldılar», – dep qayd etti İçki işler nazirligi temsilcisi.

Tünevin aqşam Qırımda rusiye arbiy hızmetçisi Ukraina halqına berilgen antına sadıq qalğan ukrain zabitni atıp ölüdirdi. Mudaafa nazirliginiñ matbuat-merkeziniñ yolbaşçısı Vladıslav Seleznöv bergen malümatına köre, elâk olğan arbiy adamı – Stanislav Karaçevskiydir. Onı ukrain zabitleri ve rusiye askerleri arasında yüz bergen ziddiyet neticesinde atıp öldürdiler.

«Öldürüv Saq aviabazanıñ arbiy hadimleri yaşağan yataqhaneniñ 5-ncı qatında yüz berdi, – dedi Seleznöv. – Zabitleriniñ ekişer balası qaldı. Aprel 9-da Karaçevskiy ve Yarmolenko Ukraina qıtaiy qısmına yol almaq kerek ediler. Ukrain zabitleri silâsız ediler».
XS
SM
MD
LG