Keçken afta Qırımda üç adam suv qazasında elâk oldı. Ciddiy yol ve suv qazalarında umumen 33 adamnı qurtardılar, dep bildire Rusiye FVN-nin Qırım idaresiniñ matbuat hızmeti.
Müessisege köre, qurtarıcılar 218 yanğınnı söndürdi.
"218 yanğınnı söndürdiler, olardan 188-i - çöplük ve quru ösümlik ateşlenmesinen bağlı yanğınlar. Bundan ğayrı 10 orman yanğını söndürildi. Dağ-orman mıntaqasında 8 qıdıruv-qurtaruv operatsiyası keçirildi, olarnıñ neticesinde 15 adamnıqurtardılar", - dep yaza Qırım FVN-niñ başı Sergey Şahovnıñ sözlerinden matbuat hızmeti.
Bundan başqa, FVN-niñ küçleri, 14 kere yol qazaları aqibetleriniñ yoq etilmesine celp etile edi, bunıñ neticesinde 17 adamnıqurtardılar. Ava suvumasına baqmadan, Qırımda beş suv qazası qayd etildi. Qurtarıcılar, suvdan bir adamnıçıqarıp yetiştirdi.
Sentâbrniñ başında Qırımda yüksek yanğın telükesi içün, ateş yaqmaqnı yasaqladılar.
