Haber etilgenine köre, kelgen soñ qırımtatarnı belli olmağan sebeplerden 14 künge ceza izolâtorına yerleştirgenler. Ulyanovsk vilâyetiniñ Dimitrovgrad 1-nci apishanesinden onı sentâbrniñ soñunda alıp kettiler.
Rustem Seythalilov Qırım birdemliginiñ faali. Apiske alınğanmazdan evel Qırımda siyasiy mabüslerniñ qorantalarına yardım ete edi, mahkemelerge bara edi, SİZOda malümat bere edi, diniy bayramlarnıñ keçirilmesine yardım ete edi.
2019 senesi martnıñ 27-nde FSB, Rusiye İç işler nazirligi ve Rusiye gvardiyasınıñ hadimleri martnıñ 27-nde Qırımda qırımtatarlarnıñ, şu cümleden «Qırım birdemligi» faalleriniñ evlerinde tintüvler keçirdi. Umumen Rusiyede ve işğal etilgen Qırımda yasaqlanğan «Hizb ut-Tahrir» teşkilâtında iştirak etkeninde qabaatlanğan 24 faal tutulğan edi.
2023 senesi martnıñ 18-nde Rusiyeniñ Rostov-na-Donu mahkemesi «Qırım birdemliginiñ» beş faaline üküm çıqardı. Qırımtatar faalleri Akim Bekirov, Seytveli Seytabdiyev, Rustem Seythalilov 14 yılğa, Eskender Suleymanov veAsan Yanikov 15 yılğa koloniyada qalmasına üküm etildi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
