Kreml nezaretindeki Aqmescit akimiyeti şeerni Yañı yıl bayramına azırlap olamadı. Bu aqta Qırım.Aqiqatqa Qırım faali ve bloger Oleg Koçerov aytıp berdi.
“2019 senesiniñ qutlamasına Aqmescit asıl azır degil. Yañı yılğa eki ay qalğanda yerli akimiyet başlağan merkeziy soqaqlarnıñ tamirlevinini qısaqa müddetler içün bitirip yetiştirmedi. Şeerlilerge ise dülberlik yerine darma-dağın yollar qaldı. Evelleri merkeziy soqaqlarnıñ tereklerini yarıçıqlarnen yaraştıra ediler. Bu yıl oña oşağan şey bile yoq. Şeerniñ merkeziy soqaqlarında bayram yarıqları yoq, kimer soqaqlarnıñ ise asıl da yarıqlavıyoq”, - dey faal.
Tutu.ru rusiye turist portalınıñ malümatına köre, Aqmescit, rusiyelilerniñ arasında Yañı Yıl qutlavı içün eñ populâr yerlerniñ reytinginde beşinci yerde tüşkeni bildirildi.
Daa evel, Aqmescit ava limanınıñ matbuat hızmetinde, Yañı Yıl bayramı künlerinde, 1,5 biñ uçaq qonıp ve uçacağını ilân ettildi.
