Qırım Evinde zemaneviy ressam Elmira Şemsedinovanıñ "Kergin ufuq. Qırım asreti" sergisi olıp keçecek. Bunı Ukrayina prezidentiniñ Qırım MC daimiy temsilciligi haber ete.
"Leyha ressamnıñ Qırım işğaline ve Ukrayina topraqlarında yüz bergen qıyın adiselerge şahsiy cevabıdır. Ressamnıñ uzaq bir yerde bile memleketinen bağını qoparmamaq arzusını timsal etken "Deñizni hatırla" bediiy temaşanıñ kösterilmesi planlaştırıla. Temaşa çerçivesinde ressam bağlı közlernen hatırasından Qırım manzarasınıñ resmini yapacaq", - dep yazıla bildirmede.
Sergi noyabrniñ 10-ndan dekabrniñ 10-na qadar Mihaila Omelyanoviça-Pavlenko, 9 adresi boyunca sergilenecek.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
