Cemaatçılar, Rusiye akimiyeti tarafından işğal etilgen Qırımnıñ 18 yıl apis cezasına mahküm etilgen Yalta sakininiñ adını aydınlattı. "Qırım esnası" aq qorçalayıcı leyhasınıñ bildirgenine köre, mahküm etilgen Yalta sakini Çaraz Akimov oldı.
Daa evel erkek "çetel devleti ile gizli işbirlik" içün beş yıl apis cezasını alğan edi. 2025 senesi orta küz ayında istinaf mahkemesi bu qararnı lâğu etken soñ, dava devlet hainligi maddesine deñiştirildi. Mahkemeci Sergey Pogrebnâk Qırımtatar 18 yıl 20 künge azatlıqtan marum etilip, sert rejimli tüzetüv koloniyasında 1 yıl 10 ayğa azatlıqtan marum etilecek, dep üküm etti.
Qayd etilgenine köre, Yalta sakini (1993 senesi doğma) devlet hainliginde qabaatlı tanıldı (Rusiye Federatsiyasınıñ Ceza kodeksiniñ 275 maddesi). Qırımnıñ rus prokuraturasınıñ malümatına köre, erkek 2023 senesiniñ ortasında Ukraнina Mudafaa nazirliginiñ temsilcisi ile bağ qurıp, Rusiyege qarşı faaliyetke yardım etmege azır olğanını bildirgen.
"2023 senesi boş ayda o, Aqyarda silâ ve arbiy tehnikanıñ yerleştirilüvi aqqında malümat toplap, bermek kerek edi. Genç adam video çıqarıp, arbiy gemilerniñ yerleştirilüviñ taslaqlarını yapıp, malümatnı çetel devletiniñ temsilcisine yolladı", — dep bildirdi prokuratura.
Mahkeme onı qabaatlı tanıp, sert rejimli tüzetüv koloniyasında 18 yılğa azatlıqtan marum etti. Mahkemelengen şahısqa 1 yıl 10 ayğa azatlıqtan marum etüv şeklinde qoşma ceza tayin etildi.
Cinaiy davanıñ baqılması qapalı mahkeme oturışuvında keçti, çünki dava malümatlarında devlet sırı olğan malümat bar edi.