Link açıqlığı

Qırım esiri Demyanenko azat etildi – Turçinov


Rusiye arbiyleri tarafından esirlikke alınğan 2-nci rang kapitanı Vyaçeslav Demyanenko azat etildi.

Bunı «Şüster LIVE» programmasında Ukraina prezidenti vazifesini eda etken Oleksandr Turçinov bildirdi. Malümatnı «Ukrainskaya Pravda» qayd etti.

«Efirniñ başlnamasından evel maña mütehassıslarımız telefon açıp, 2-nci rang kapitanı Demyanenko azat olunğanı aqqında ayttılar. Zanımca, yarın o endi Kiyevde olacaqtır», – dedi o.

Vyaçeslav Demyanenko mart 23 künü Qırımda Rusiye arbiyleri informatsion-ruhiy işler Merkezini zapt etken vaqıtta esirlikke alınğan edi.

Tuvğanlarınen tek aprel 2 künü bağlanıp oldı.

Aynı şu künü Ukrain afganları Rusiye Prezidenti Vladimir Putinge ultimatumnı ilân ettiler. Olar esirlerni azat etmegen olsalar, Qırımda ve Qırımdan yol alğan yük maşnalarğa yol qapatacaq oldılar.
XS
SM
MD
LG