Ukrayina Mudafaa nazirliginiñ Baş istihbarat idaresi, "Qırım-Donetsk" qara yolunı dronlarnen blok etmege devam etkenlerini bildirdi.
"Ukrayina Mudafaa nazirliginiñ Faal areketler departamentiniñ pilotsız sistema bölükleriniñ ustaları "Qırım-Donetsk" qara koridorını blok etmege ve teren cebe arqasında Rusiye istilâcılarınıñ tehnikasını yoq etmege devam eteler. Vaqtınca işğal etilgen Berdânsk, Melitopol ve Canköy arasındaki yolnıñ qısımları ukrayin arbiy istihbaratınıñ operatorları tarafından nezaret etile", — dep aytıla video haberinde.
Rusiye arbiyleri bu haberge daa cevap bermedi.
Daa evel haber etilgenine köre, Ukrayinanıñ Herson vilâyetiniñ Rusiye akimiyeti Qırım tarafına yük maşnalarınıñ areketini sıñırladı. Qarar Quralaynıñ 21-nde gece yarısından başlap, başqa qarar berilgenine qadar amelde olacaq.