Kreml nezaretinde olğan Aqyarnıñ Gagarinsk rayon mahkemesi tarafından patlayıcı maddelerni qanunsız yapqanınen qbaatlanıp, beş yıl apis cezasına mahküm etilgen «Qırım diversantları» davasınıñ mabüsi Gleb Şabliy Ukraian qıtasına qayttı.
Bunı Ukraina TİN başı Dmıtro Kuleba haber etti.
«Kremlniñ siyasiy mabüsi Gleb Şabliyni Ukrainğa qaytqanınen hayırlayım! Dört yıldan ziyade Kreml onı qanunsız sürette işğal etilgen Qırımda, soñra Rusiyede tuttı. Azat etilgen soñ, Novosibirsk, Moskva ve Minskteki ukrain konsulları Sibirden eki künlük yolculığı vaqtındaonen beraber edi», – dep yazdı Kuleba Twitterde.
Aqyarlı. Ukraina Arbiy-deñiz quvetleriniñ zabiti edi. İşten boşatılğan soñ gidrograf zenaatını aldı. Apiske alınmazdan evel gemi ve qayıqlarnı yapqan «Era» Aqyar şirketinde çalıştı.
Rusiye mahsus hızmetleri onı Ukraina Mudafaa nazirliginiñ baş istihbarat idaresi içün «istihbarat vazifelerini yerine ketirgeninde», hususan patlayıcı maddelerni yapıp taşığanında qabaatladı. Gleb Şabliy, FSBde eziyetlengen soñ «qabaatını tanıdı».
«Memorial» aq qorçalayıcı merkezi onı siyasiy mabüs olaraq tanıp, davası «sahte, qabaatı isbatlanmadı, o, ise cinayet işlemese de, azatlıqtan marum etildi», dep qayd etti.
2018 senesi Rusiye kontrolindeki Aqyar şeer mahkemesi qırımlını beş yılğa azatlıqtan marum etti.
2016 senesi noyabrniñ 15-nden berli apiste yata.
Azatlıqta ömür arqadaşı ve balası bar.
