"Sarı şerit" faalleri Qırım dağlarında ukrayin bayrağını tiklediler. Bu aqta areketniñ telegram kanalında haber etile.
"Qırım dağlarında daa bir mavı-sarı bayraq yelpirey", - denile beyanatta.
Qayd etilgenine köre, faaller Qırımdaki tirenüvniñ neticeleri ile paylaşmaq içün telükesiz bir vaqıtnı beklediler.
"Bizler muqavemetimizni devam etecekmiz, Ukrayinanıñ ğalebesini tezleştirmek içün er şey yapacaqmız, çünki Qırım Ukrayinadır", – dep qoştılar faaller.
"Sarı şerit" teşkilâtı - Rusiyeniñ vaqtınca işğal etken Ukrayina topraqlarında ukrayinlerniñ qarşılıq areketidir. Areket teşkilâtçılarınıñ aytqanına köre, yerastı faallerniñ sayısı bir qaç biñden ziyade ve ep arta. Olarnıñ aytqanına köre, Qırımdaki cemiyet eñ faaldir, hususan Aqmescit, Yalta, Kezlev ve Kefede, soñki vaqıtları ise olarğa kiçik şeerlerniñ Simeiz, Balıqlava sakinleri qoşula.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
