Bazar künü aqşam dört turistten ibaret olğan bir gruppa Demirci dağınıñ (Aluşta) capında tıqalıp qaldı. Qırım boyunca Rusiye FVN-niñ idaresinde haber etkenleri kibi, turistler qaranlıqta yolunı devam etip olamadı ve qurtarıcılarnıñ yardımına muhtac qaldı.
Müessiseniñ malümatına köre, adamlar "keçilmez bir şalâğan capta" edi.
"Adamlar Demirci dağınıñ qaya rafında tapıldı. Qurtarıcılar alpinist donatmaları ile olarnı tahliye etti ve iş maşnasına ozğardı. Turistlerniñ tibbiy yardımğa ihtiyacları yoq edi", - denile beyanatta.
İyül 11-inde Tünevin Meganom burnunda yaramağan aqayğa yardım etildi.
İyünde Qaçı Kalyon qaya şeeriniñ yanında Bağçasaray şeeriniñ Pıçqı (Baştanovka) köyünde bir adam qayadan tüşti. Qurtarıcılar yaralanğan adamnı evakuatsiya yaptı ve hastahanege alıp ketmek içün acele yardım hadimlerine berdi.
