Link açıqlığı

Qırım buhranını cenksiz çezmege kerek, dep tüşüne Türkiye elçisi


Türkiye Ukrainanıñ topraq bütünligine, suverenitet ve birligine tamamınen qol tuta.

Bunı Ukrainda Türkiyeniñ elçisi Yonet Can Tezel bildirdi, dep haber ete İnterfaks-Ukraina.

Elçiniñ aytqanı kibi, Qırım yarımadasında «bizim qardaş ve soylarımız, Ukraina ve Türkiye arasında dostluq köpüri olğan qırımtatar halqı yaşay».

Dimlomat şunı da qayd etti ki, Ukrainada peyda olğan meselelerni tek Ukraina çezmeli. Amma bunı halqara cemaatnıñ yardımı ile yapa bile.

«Epimiz vaziyetni arbiy areketleri vastası ile çezmemek kerekligini aytamız. Onı tek muzakereler ve diplomatik yollarınen çezmek lâzim. Şubesiz, Rusiyenen pek müim munasebetlerimiz bar. Ve bütün bu tüşüncelerimizni biz rusiye şeriklerimizge de aytamız», – dep aytı Türkiye elçisi.
XS
SM
MD
LG