Rusiye FVN-niñ Qırım idaresi Qırım bala lagerlerinde 600-den çoq yanğın telükesizligi qaideleriniñ bozuluvını qayd etti. Bu aqta Fevqulâde vaziyetlerniñ yoq etüv ve ögüni aluv Komissiyasınıñ oturışında müessise başı bildirdi.
“İdareniñ malümatına köre, bu yılnıñ mayısnıñ 29-ına bütün bala lagerleri teşkerildi ve baqıldı, bunıñ neticesinde 622 yanğın telükesizligi qaidelerniñ bozuluvı qayd etildi, olarnıñ 498-i endi yoq doğurtıldı. Teşkerüv neticesinde memuriy mesüliyetke 5 yuridik ve 25 vazifedar şahıs çekildi”, - denile müessise beyanatında.
Rusiye FVN-ne köre, lagerlerniñ 59-ında yanğınğa qarşı avtomatik sistema bar.
Qırım ilhaqından soñ Qırımnıñ bala sağlıq lager;eri Rusiye müessiselerniñ nezaretine keçti.
Şu sıradan, Kreml nezaretindeki Qırım akimiyeti, yarımadanıñ eñ büyük “Artek” lagerini de Rusiye federal mülkiyetine keçirdi.
