Link açıqlığı

Qırım «baş naziri»ne rusiyeli sim-kartnı tantanalı sürette taqdim ettiler


Rusiye Federatsiyasınıñ alâqa ve kütleviy munasebet naziri Nikolay Nikiforov Qırımnıñ öz başına tayin etilgen baş nazir Sergey Aksönovğa rusiyeli sim-kartnı taqdim etti.

Bunı Qırım «ükümetiniñ» matbuat hızmeti bildire.

«Kün-künden Qırımda bağ tertibatınıñ inkişafı ile oğraşamız ve yarımada sakinleri zemaneviy, keyfiyetli hızmetler ile qullana bilgenleri içün zaruriy infrastrukturanı teşkil etmege tırışamız. Fırsat ile faydalanıp, sizge, Sergey Valeryeviç, rusiyeli sim-kartnı taqdim emtege isteyim»,– dedi Nikiforov.

Aksönov öz yañı sim-kartından ilk evelâ anasına teleyon açacağını bildirdi.

Nikifornovnıñ sözlerine köre, Qırım sakinleri Rusiye nomeralı 100 biñ sim-kartnı satın aldılar.


Qırımda endi Krasnodar diyarınıñ kodı ile sim-kartlarnı satmağa başladılar. «Krasnodar-Super MTS» paketni almaq içün pasportnı taqdim etmek kerek. Paketniñ fiyatı – 50 ruble.
XS
SM
MD
LG