Bazarertesi künü, dekabrniñ 23-ünde Qırımda cenübiy ve cenüp-ğarbiy yelniñ 22 m/s qadar küçleşmesi beklenile, bazı yerlerde küçlü yağmurlar yağacaq.
Qırım Gidrometeorologiya merkezinden berilgen malümatqa köre, Aqmescitte bulutlı ava beklenile. Gece ciddiy yağanaqlar yoq, saba ve kündüz bazı yerlerde yağmurlar. Cenübiy yel 7-12 m/s, bazı yerlerde 17 m/s qadar. Gece ava arareti +8...+10 derecede, kündüz +12...+14 derecede.
Aqyarda bulutlı, gece ve kündüz yengil yağmur yağacaq. Cenüp-şarqiy yel 12-17 m/s. Gece ve kündüz ava arareti kündüz +13...+15 derecede.
Qırımnıñ cenübiy yalısında bulutlılıq. Bazı yerlerde qısqa yağmurlar. Cenübiy yel 7-12 m/s, kündüz bazı yerlerde 17 m/s qadar. Gece ava arareti +8...+10 derecede, kündüz +12...+14 derecede.
Keriçte deñişici bulutlılıq, yaganaqlarsız. Cenüp-şarqiy yel 6-11 m/s. Gece ava arareti +8...+10 derecede, kündüz +12...+14 derecede.
