Cumaertesi künü, avgustnıñ 10-unda Qırımda yağmur ve bora beklenile, sadece Aqyarda yağanaqlar olmaycaq. Bunı Qırım gidrometeomerkezi bildire.
Sinoptiklerniñ tahminlerine köre, Aqmescitte deñişici bulutlılıq. Gece yağanaqlarsız, saba ve kündüz bazı yerlerde qısqa vaqıt boranlı yağmur yağacaq. Cenüp-ğarbiy yel 8-13 m/s. Ava arareti gece 15…17º, kündüz 27…29º.
Aqyarda deñişici bulutlılıq. Yağanaqlarsız. Gece şarqiy, kündüz ğarbiy yel 6-11 m/s. Ava arareti gece 19…21º, kündüz 29…31º.
Qırımnıñ cenübiy yalısında deñişici bulutlılıq. Qısqa vaqıt yağmur, bora. Cenüp-ğarbiy yel 15-18 m/s. Ava arareti gece 19…21º, kündüz 28…30º.
Keriçte deñişici bulutlılıq. Gece yağanaqlarsız, kündüz qısqa vaqıt yağmur, bora. Ğarbiy yel 5-10 m/s. Ava arareti gece 17…19º, kündüz 26…28º.
