Cumaaqşamı künü, dekabrniñ 21-inde Qırımda yağanaqlarsız olacaq, yalıñız Aqyarda kündüz biraz yağmur yağacaq. Ava +15 derecege qadar qızınacaq.
Qırım Gidrometeorologiya merkezinden berilgen malümatqa köre, Aqmescitte deñişici bulutlılıq. Ciddiy yağanaqlar yoq. Cenüp-ğarbiy yel 7-12 m/s, kündüz bazı yerlerde 15 m/s qadar. Gece ava arareti +3...+5 derecede, kündüz +13...+15 derecede.
Aqyarda bulutlı, bazıda ava açılacaq. Gece yağanaqlarsız, kündüz yengil yağmur yağacaq. Gece ve saba duman. Cenübiy yel 10-15 m/s. Gece ava arareti +5...+7 derecede, kündüz +11...+13 derecede.
Keriçte deñişici bulutlılıq. Yağanaqlarsız. Gece ve saba bazı yerlerde duman. Cenüp-şarqiy ve cenübiy yel 5-10 m/s. Gece ava arareti +3...+5 derecede, kündüz +10...+12 derecede.
