Cumaertesi künü, aprelniñ 13-ünde yağmur ve tuman beklenile, dep bildire yarımada gidromettsentri.
Sinoptiklerniñ tahminlerine köre, Aqmescitte (Simferopol) bütün kün deñişici bulutlılıq, yengil yağmur. Ava arareti kündüz +15…+17° derecege qadar.
Bildirilgenine köre, Aqyarda (Sevastopol) deñişici bulutlılıq. Gece ve kündüz yengil yağmur. Yel 5-10 m/s. Ava arareti kündüz +14…+16° derecede.
Qırımnıñ şimalinde kündüz deñişici bulutlılıq. Hafif yağmur, tuman. Ğarbiy yel 7-12 m/s. Ava arareti +15…+17° derecege qadar.
Keriçte deñişici bulutlılıq. Gece yağanaqlarsız, kündüz yağmur. Şimal-ğarbiy yel 6-11 m/s. Ava arareti kündüz +15…+17°.
