Qırımda bazarertesi künü, fevralniñ 11-nde, bazı yerlerde tuman olacaq, Qırımnıñ cenübiy yalısında ve Keriçte ise yağmur yağması beklenile, dep bildire yarımadanıñ gidrometmerkezi.
Sinoptiklerniñ tahmin etkenine köre, Aqmescitte az bulutlı ava olacaq. Yağanaqlar beklenilmey. Gece ve saba bazı yerlerde tuman olacaq. Cenübiy-şarqiy yel saniyede 7-12 metr esecek, kündüz ise saniyede 15 metrge qadar artacaq. Şimaliy-şarqiy yel saniyede 7-12 metr olacaq. Ava arareti gece 0…+2 derece, kündüz +7…+9 derece olacaqtır.
Aqyarda ava bulutlı olıp açılacaq. Yağanaqlar beklenilmey. Cenübiy yel gece saniyede 5-10 metr, kündüz 10-15 metr olacaq. Gece ava arareti +3…+5 derece, kündüz +9…+11 olacaq.
Qırımnıñ cenübiy yalısında az bulutlı ava olması beklenile. Gece ve saba yağmur yağsa, kündüz yağanaqlar yağmaycaq. Cenübiy-şarqiy yel saniyede 7-12 metr, kündüz saniyede 15 metrge qadar esecek. Ava arareti gece +4…+6 derece, kündüz +8…+10 derece olacaq.
Keriçte az bulutlı ava olacaq. Ara-sıra yağmur yağacaq. Gece ve saba bazı yerlerde tuman olacaq. Gece şarqiy yel saniyede 3-8 metr; kündüz cenübiy-şarqiy yel saniyede 6-11 metr esecektir. Ava arareti gece 0…+2 derece, kündüz +7…+9 derece olacaq.
