Sinoptikler, Qırımda dekabrniñ 10-unda dumanlı ve yağanaqlarsız avanı tahmin ete,
Bunı yarımadanıñ Gidrometeomerkezi bildire.
Sinoptiklerniñ tahminlerine köre, Aqmescitte deñişici bulutlılıq, yağanaqlarsız, gece ve saba bazı yerlerde dumanlı. Ğarbiy yel 6-11 m/s. Ava arareti kündüz 10…12º.
Aqyarda deñişici bulutlılıq, yağanaqlarsız. Sabadan duman. Cenüp-şarqiy yel 5-10 m/s. Ava arareti kündüz 9…11º.
Qırımnıñ cenübiy yalısında deñişici bulutlılıq, yağanaqlarsız. Gece ve saba duman. Şarqiy yel 6-11 m/s. Ava arareti kündüz 11…13º.
Keriçte deñişici bulutlılıq. Yağanaqlarsız. Gece, saba ve üylege qadar bazı yerlerde duman, Şimaliy yel 3-8 m/s. Ava arareti kündüz 7…9º.
